براكسيلان 200 مجم برشام تنشيط الدورة الدموية

 براكسيلان هو دواء من عيلة أدوية اسمها (موسعات الشرايين الطرفية)، براكسيلان بيوسع الشرايين اللى بتغذي الإيدين والرجلين والمخ، ولما الشرايين دي توسع، الدم اللي هيمشي فيها هيزيد، وكمية الأوكسجين والمغذيات اللى هتوصل للأيدين والرجلين والمخ هتزيد بردوا.

علشان براكسيلان بيحسن ويزود كمية الدم والأوكسجين والمغذيات اللي بتوصل للإيدين والرجلين والمخ، فممكن الدكتور يكتبة للعيان اللى عندة سكر مثلاً وعندة مشاكل في رجلة او ايدة (التنميل اللى بيحصل مع السكر)، او لو رجلة إتجرحت وعملت بداية قرحة ، فبرشام براكسيلان هيقلل مضاعفات السكر، ويخفف جروح وقرح الرجلين بسرعة اكبر.

بردوا براكسيلان ممكن يأخدة كبار السن، عشان يعالج اعراض الشيخوخة زي ضعف الذاكرة وقلة التركيز والانتباة.

دكاترة العيون، ممكن يكتبوا للعيان براكسيلان مع ادوية اخرى، عشان يزودا الدم اللة واصل للعين، ممكن بعد العمليات، او لو في مشكلة ممكن تتحل بزيادة وصول الدم إلى العينين.

الناس اللى في البرد والشتا، إيدها أو رجلها بتزرق، وما بتقدرش تحركها، بردوا براكسيلان هيساعدهم في المشكلة دي، وهيزود الدم اللى بيوصل للاطراف، والمشكلة هتتحل.

بص، من الأخر، أى مشكلة هتتحل او هتتحسن لو الدم اللى بيوصل للعضو زاد (اليدين او القدمين أو المخ أو العينين او الأذنين)، ممكن براكسيلان يفيد فيها.

جرعة براكسيلان حبة مرتين في اليوم، ومدة الاستعمال ممكن تختلف من حالة للتانية، لكن ممكن تتطول عادي بدون مشاكل لحد 6 شهور ورا بعض عادي.

اللى عايزك تفضل فاكرة عن براكسيلان، إنك لازم تشرب مية كتير طول ما انت بتتعالج ببرشام براكسيلان، لان البرشام دة لو ما شربتش مية كتير ممكن يعمل لك حصوات.

بردوا خد برشامة براكسيلان وسط الاكل (مش قبل ولا بعد الاكل)، وده هيقلل من مشاكل البرشام على المعدة

براكسيلان ممكن يعمل وجع بسيط في البطن، واسهال، وتحس أنك عايز تستفرغ... كل دة عادي، وهيختفي أو يقل مع الوقت.

براكسيلان 200 مجم أقراص مغطاة - النشرة الداخلية

براكسيلان 200 مجم أقراص مغطاة - النشرة الداخلية

مقالات مرجعية ذات صلة

• براكسيلان يحسن استخدام الأكسجين في الدم.
• براكسيلان ۲۰۰ ميليجرام أقراص فموية لاضطرابات الأوعية الدموية الطرفية
• Praxilene 200 mg, Film-Coated Tablet 

معلومات أخرى

• اسم الدواء: براكسيلان
• التركيب: نافتيدروفوريل.
• الفصيلة العلاجية: موسع وعائي محيطي.
• كود التعريف التشريحي والكميائي:  C04AX21

 

إذا كانت لديك أسئلة أخرى ، اسأل طبيبك أو الصيدلي.يرجى قراءة هذه الصفحة بعناية قبل تناول براكسيلان لأنها تحتوي على معلومات مهمة بالنسبة لك.

تم وصف حبوب براكسيلان من أجلك. لا تعطها لأي شخص آخر. يمكن أن يضرهم ، حتى لو كانت علامات مرضهم مماثلة لمرضك. إذا ظهرت لديك أي آثار جانبية ، تحدث إلى طبيبك أو الصيدلي. هذا ينطبق أيضًا على أي آثار ضارة غير مذكورة في هذه الصفحة.