هل الهستوب يرفع ضغط الدم؟
شوف يا فندم هتلاقي في النشرة بتاعة هستوب تحذير بهذا المعني (يجب الحذر أثناء الاستخدام في ارتفاع ضغط الدم الشديد أو أمراض القلب والأوعية الدموية).
لكن التحذير دة مش معناة انك لو مريض ضغط وضغطك منضبط بسبب الادوية ، يبقى ما تاخدش هستوب.
تقدر يا صديقي لو انت مريض ضغط، وضغط دمك مظبوط بسبب انك منتظم على علاج الضغط انك تأخذ هستوب بأمان وما تخافش. بس هاقول لك على حاجة خدة بجرعة اقل من المعتاد شوية . يعني الجرعة المعتادة لحبوب الهستوب بالنسبة للبالغين حبة ثلاث او اربع مرات في اليوم ، انت كمريض ضغط دم خدة مرتين او مرة واحدة فقط في اليوم.
ومدة الاستعمال لازم ما تطولش، يعني لو ارتحت وخفت اعراض الحساسية وقف الهستوب فورًا.
الخلاصة لو انت مريض ضغط دم، وعندك حساسية وبتاخد دواء الضغط بتاعك بانتظام ، فما تخافش خد الهستوب ومش هيرفع ضغطك بس خلي جرعات الهستوب مرة واحدة او مرتين في اليوم.
هسيبك لك شوية روابط مرجعية عن حبوب الهستوب ممكن تساعدك
تعليقات
إرسال تعليق